BINTULU: Program Servis Bantu ba Rumah (Home Help) nya inisiatif perintah nyaga pengelantang komuniti kelebih agi orang tuai enggau Orang Nyelai Pendiau (OKU).

Nengah program nya, volunteer dikumbai staf Home Help deka nyendiaka servis bantu sukung sosial ngagai orang tuai tauka OKU tiap minggu.

Menteri Pemansang Indu, Nembiak Mit enggau Pengelantang Komuniti Sarawak (KPWK), Datuk Seri Fatimah Abdullah madah, volunteer tu deka bejalaika latih enggau milih sebedau direjister bejalaika tanggungpengawa ungkup servis Home Help.

“Tu digaga chara volunteer empat kali sebulan ti diberi nama ‘Home Help Services’. Sida bejalai ngagai rumah raban diselinting ti udah dikelala.

“Sebedau tu, sida udah diberi latih enggau milih sebedau sida nyadi volunteer Home Help ti berejister,” terang iya.

Fatimah mansutka jaku nya pengudah Program Home Help di Kampung Baru, ditu tadi.