YUNNAN, penyauh urung 1,400 meter (km) ari kandang tasik enggau semampai dibalut sebun ngujungka Kampung Huanggualu di Malipo, Tianbao baka menua ngilah remang.
Pemanah rampa menua ba ulu wilayah Yunnan entara adan menua Vietnam enggau Myanmar nya mega ngasuh kitai teperindang bayam pemanah rampa menua taja udah bejalai penyauh sejam sereta nepan bas ngerenchah jalai ti balat betiku enggau renjan.
Bedau agi pengelelak nepan bilun pengelama empat jam ari Beijing naggai Kunming sebedau nampung pejalai ngena bas mit oengelama empat jam baru ngagai mengeri Weshan.
Mengeri Weshan nya mengeri semak enggau genturung pendiau ba Wilayah Autonomi Wenshan Zhuang dan Miao, tenggara Yunnan.
Betul utai dipadah Shen Xiaochang, pemantu penyereta program ti digulu penulis Bernama pengelama lima bulan ba tanah besai China tu, pejalai ngagai wilayah Yunnan endang enda mudah laban palan nya dikumbai ‘serega ti apin diserungkai’.
“Ditu kita ulih mending enggau meda cherita pemujur program munaska penyeranta ti dipejalai perintah,” ku iya.
TURAI HUANGGUALU
Penatai sida ba genturung pendiau diuan etnik Yao, entara 56 suku raban bansa ti diaku Perintah China lalu sida udah diambat 14 iku indu bekenaka pekayan asal diiring enggau lagu selamat datai sereta dinah ai teh.
Pengudah manggai lima bulan dikelingi kampung batu metropolitan Beijing enggau Shanghai, pemberita ti diau ba republik nya nyadi penyereta Program China Asia Pacific Press Centre 2022 (CAPCC) kenyau ari bulan Julai tu tadi naka ulih bayam pemanah rampa menua nya kelimpah ngambi gambar enggau video.
Taja pen sebun tebal tang pemberita agi ulih meda kebun tomato ti galak lalu dibai ngetau buah ti mirah mansau nya.
“Aku bulih untung urung RMB150,000 (RM94,000) setaun ari asil kebun tomato pemesai 4.5 hektar nya, diatu aku udah kaya,” ku jaku tundi tuai genturung pendiau nya, Zhao You Rong.
Genturung pendiau ti diuan 120 peranak ari 30 ruang bilik nya mayuh ngena tomato tauka dikumbai Lanxangia tsaoko maya bepandukka lauk sereta nyadi ubat.
Ba taun 2014, Perintah Sarawak berengkah ngaga jalai ngelawa Kampung Huanggualu enggau Wenshan taja napi bemacham pemar kelebih agi bekaul gaya menua dia.
“Sebedau tu, jalai tu balat belutak enggau jai, kami begunaka timpuh lapan jam datai ditu enti ari mengeri Wenshan tang diatu semina urung sejam setengah pejalai aja,” ku Sekretari Komiti Parti Komunis China (PKC) Tianbao, Zhang Hun.
UDAH DATAI JALAI
Zhang madah, pemisi infrastruktur pemun baka jalai alun tu, peranak ulih nyual asil utai tanam sida ngagai mengeri enggau muntang agi.
Ukai semina nya aja, arus 5G mega disedia lalu peranak ulih ngelaluka produk sida nengah chara online ke alai diatu, urung 40 peratus utai tanam dijual nengah online.
Serikat penganjung barang deka ngambi produk sida ke rumah lalu dijual ngagai bala penguna.
“Mayuh pegawai perintah datai enggau meri bemacham bantu baka meri latih ngena telefon pintar enggau nyual produk chara online,” terang iya.
Pengawa bejual nengah online nyata meri pemaik ngagai peranak pengudah penatai pemisi sida nambah. Kebuah pia laban produk dijual berega RMB60 ngagai RMB80 sekilo dibanding semina RMB5 tauka urung RM3 nengah chara konvensional.
Nya ngujungka penatai pemisi rayat nambah ari RMB30,000 ngagai RMB40,000 (entara RM19,000 enggau RM25,000) setaun ngagai RMB120,000 (urung RM75,000) setaun.
“Bisi sekeda tikas dikena nyukat sekalika rayat menua pesisir tu udah lepas ari penyeranta betegar baka enda irauka pemakai, perubat, pekara pelajar, rumah seraya penatai pemisi per kapita ngelui RMB4,000,” ku iya.
MUNAS PENYERANTA Kena 14 November 2020, Yunnan di barat daya China lalu ngembuan pupu bansa madahka sida mujur munaska penyeranta pengudah laluh semilan pelilih dikeluar ari rintai pelilih seranta.
Entara inisiatif dipejalai baka mindahka peranak ba sitak ti chukup pemansut ngagai sitak bukai mungkur 1.5 juta dipindah ngagai lebih 2,8000 palan pengentap baru nyengkaum 19 sitak ti ulih nangkup lebih 10,000 peranak.
Kenyau ari taun 2012, China udah nganjung lebih tiga juta pegawai perintah ngagai genturung pendiau seranta ba selampur menua dikena nentuka penyampau peranak seranta, nyukat penatai pemisi, ngabas rumah enggau ngelala nembiak ti nadai sekula.
Presiden China Xi Jinping madah, nengah bemacham inisiatig, urung 98.99 juta rayat menua pesisir udah pansut ari penyeranta ba timpuh taun 2012 ngagai 2020 ngujungka 770 juta rayat udah pansut ari penyeranta ba timpuh empat puluh taun ti udah.
Tu udah ngurangka lebih 70 peratus rayat seranta ba serata dunya, mai reti China nyapai juluk ngurangka tikas penyeranta ba Agenda Pemansang Meruan 2030 urung 10 taun tumu agi. – BERNAMA.
