BINTULU: Parti Pesaka Bumiputera Bersatu (PBB) ngebat Iskandar Turkee nyadi manuk sabung Gempung Parti Sarawak (GPS) ba Pengawa Bepilih Mit (PRK), Kunsil Nengeri (DUN) Jepak.
Pemutus nya dibantai Chairman GPS ke mega Premier Sarawak, Datuk Patinggi Tan Sri Abang Johari Tun Openg, ditu tadi.
Ku Abang Johari ke mega Presiden PBB, pengawa milih Ex-Direktor Ejensi Benchi Dadah Nasional (AADK) Sarawak nya pengudah dipantis raban bekaul baka Polis DiRaja Malaysia (PDRM), Komiti Besai Pengawa Nagang Penyalah Makai Suap Malaysia (SPRM) enggau Opis Insolvensyen.
“Iya ukai orang bukai ba Jepak, ada ditu lalu bisi peneleba,” ku iya lebuh mantaika manuk sabung GPS ungkup PRK DUN Jepak di Hotel Magherita Plaza, ditu tadi.
