SADONG JAYA : Projek tiang telekomunikasyen ti deka digaga raban Kaunsil Multimedia Sarawak (SMA) disadang ulih mutar penanggul internet di Kampung Jemukan Hilir.
Kaban Kunsil Nengeri (ADUN) Sadong Jaya Ir Aidel Lariwoo madah nyema projek tu udah tembu jemah iya deka meri pengelantang ngagai peranak Kampung Jemukan enggau mensia mayuh ke diau besemak.
“Enti tu udah didiri jemah sida ke diau besemak deka ngasaika perengka guna internet tu.
“Projek tu ke deka digaga ba Kampung Jemukan Hilir lalu dikemujur Kaunsil Multimedia Sarawak (SMA),” ku iya.
Aidel madah munyi nya rambau Pengerami Nasih Taba Projek nya di Kampung Jemukan Hilir kena Hari Enam tu tadi.
Tandu Aidel, Kampung Jemukan endang siti ari genturung pendiau ba sitak Dun Sadong Jaya ke napi penanggul internet kelalu lubah.
