Isu merejuk parti, ukai pekara baru

KEPALA Menteri Datuk Patinggi Abang Zohari Tun Abang Openg madah isu merejuk parti ukai pekara baru nyadi.

Ku iya, bepanggai ba penemu rayat empu meretika pekara tu laban sida nemu agi gaya pejalai pekara tu.

Taja pia, nyadi chairman Gabungan Parti Sarawak (GPS), iya deka ngatur randau begulai enggau kaban gempung parti nya dikena mutarka isu tu.

Iya mansutka jaku nya lebuh dirandau pengarang berita pengudah bejadika Pengawa Mandangka Pelajar Sin Chew 2019 ba Kuching, kemari.

Dulu ari nya, lima kaban politik netapka pemutus nyemilik Parti Sarawak Bersatu (PSB) ti sebedau tu dikelala ngena nama Parti Rakyat Bersatu (UPP).

Sida ti merejuk tu tebal agi sida tu kaban Parti Rakyat Sarawak (PRS) iya nya Datuk Joseph Entulu Belaun, Datuk Masir Kujat, Datuk Sylvester Entri Muran, Datuk William Nyalau Badak enggau Banyi Beriak.

PRS nyadi siti ari empat parti komponen GPS.