TOKYO: Jipun diatu nyendia mayuh agi hotel dikena nyimpan sementara tubuh sida ti udah parai sebedau ditumbak ba pendam tauka ditunu.

Pengawa numbuh hotel nyelai nya majak nambah sereta mayuh peminta laban Jipun endang menua tuai lalu tebal agi rayat sida beumur lebih 50 taun.

Sebengkah data ari Opis Menteri Pengerai, Pengereja Pengawa enggau Pengelantang Jipun, penyampau orang parai ba menua nya manggai 1.37 juta setaun lalu nya dipelaba nambah ngagai 1.6 juta ba taun 2030.

Taja pia, bisi sekeda rayat ba menua nya mantah pengawa numbuh hotel orang parai nya digaga semak ba genturung pendiau sida.