Kami udah sedia napi PRN12

KABONG: Raban Nembiak Parti Pesaka Bumiputera Bersatu (PBB) Kabong udah sedia sebarang maya napi Pengawa Bepilih Nengeri ke-12 (PRN12).

Ketuai PBB Pampang Kabong, Mohd Chee Kadir madah, semua Raban NembiakPBB Kabong udah lama nyikap diri lalu udah sedia napi PRN ke disadang diatur enda lama agi.

“Diatu kitai semina nganti pemutus ari Kepala Menteri Datuk Patinggi Abang Johari Tun Openg.

“Kami sedia besatup enggau sebarang aja chalun ke deka bediri ba PRN12.

Adun Kabong nya mansutka jaku munyi nya pengudah Aum Raban Nembiak PBB Kabong ba Bilik Aum Palan Servis Komuniti ditu kemari.

Nangkan nya iya muji pengagit enggau sukung ti dipandangka Raban Nembiak parti nya.

“Arapka pengagit ti dipandangka semua kita baka ke sehari tu ulih dibantaika nengah pemutus undi ba PRN ila,” ku iya.

Sama bisi datai Ketuai Nembiak PBB Kabong Shukri Kipeli enggau bala bukai.