KUCHING: Premier Sarawak, Da-tuk Patinggi Tan Sri Abang Johari Tun Openg madah ke Maharaja Jipun, Maharaja Naruhito mega nemu pemansang nengeri tu lebuh iya nerima anugerah The Order of the Rising Sun, Gold and Silver Star ari perintah menua nya empai lama.

Ku iya, peneleba nya enda disa-dang laban ngelama tu protokol nya enda ngemendar penerima berandau terus enggau Maharaja.“Enti nitih ke protokol, kitai sem-ina nganti enggau nerima anugerah nya lalu enda berandau.

“Tang pengudah pengawa nya, baginda empu ngelawa aku lalu ngepunka randau.“Maharaja madah ke iya ngelala Malaysia lalu mega nemu pasal Sarawak. “Tu nunjukka lebuh kitai jauh timpai, orang luar deka ngelala ki-tai.

Nya kebuah aku tekenyit,” ku iya lebuh bejaku ba Pengerami Anuge-rah Khas Premier Sarawak (AKPS) 2025 di Balai Mayuhguna Kompleks Satria Pertiwi, ditu ensanus.

Ngenang silik, Abang Johari ma-dah, pengawa ngaku nya ngasuh iya ingat ke baru inisiatif keterubah Sarawak ba sektor industri lebuh iya ngemudi Opis Menteri Industri nyengkaum pemujur mai serikat elektronik baka Taiyo Yuden eng-gau pemeranak puku bukai.“Nya kebuah, aku keran madah ke kitai meseti jauh timpai, nempa inovasyen enggau berubah.

“Tu mih kebuah Sarawak mansang nuju ekonomi baru lalu dikena nangkup pekara nya, kitai begunaka pengereja ti bepenau nyengkaum pegawai ba Sarawak,” terang iya.

Abang Johari nerang, peman-sang Sarawak diatu ukai semina bepelasarka infrastruktur fizikal baka jalai, jematan enggau begu-nan baru tang mega bepanggai ngagai pemansang modal mensia bepelajar tinggi.