KUALA LUMPUR: Ketuai parti ti nyukung Perintah Perikatan Nasional (PN) kemari udah baum ba Putrajaya enggau madahka sukung ngagai Menteri Besai Tan Sri Muhyiddin Yassin.
Ba penerang di akaun Facebook Muhyiddin Yassin, iya madahka semua ketuai parti begempung ngenegapka kaul sereta kerejasama ungkup penegap pejalai politik, pengelantang rayat enggau pemaik menua.
Nitihka penerang nya, ketuai ti ngulu pengawa iya nya Presiden Parti nyengkaum Muhyiddin ti nyadi Presiden Bersatu, Datuk Seri Dr Ahmad Zahid Hamidi (UMNO), Datuk Seri Abdul Hadi Awang (PAS), Datuk Seri Dr Wee Ka Siong (MCA) enggau Tan Sri S. A Vigneswaran (MIC).
Pia mega, sama datai Datuk Patinggi Abang Johari Tun Openg (PBB), Prof Datuk Seri Dr Sim Kui Hian (SUPP), Datuk Seri Tiong King Sing (PDP),Tan Sri Dr James Jemut Masing (PRS), Datuk Seri Dr Maximus Johnity Ongkili (PBS), Tan Sri Joseph Kurup (PBRS) enggau Datuk Dr Jeffrey Kitingan (STAR).
Nambahka nya, aum pengelama dua jam nya mega digulu Datuk Seri Mohamed Azmin Ali ti nyadi Ketuai Whip Perintah Perikatan Nasional enggau Datuk Seri Hamzah Zainuddin ti nyadi Sekretari Besai Bersatu.- Bernama.
