Kompaun RM1,000 enti majak enda mending

MIRI: Polis deka neritka atur ngasuh mayar kompaun RM1,000 ngagai mensia mayuh enggau kedai ti puntan nitihka Atur Tagang Pejalai (SOP) ditu.

Pekara nya dipadahka menteri bempu tanggung pengawa Komiti Penyangga Penusah Ngenyit Bagi Menua Miri (JPBBM) Datuk Lee Kim Shin ba sebengkah aum khas, ditu tadi.

Kim Shin madahka semua orang setujuka aum nya diatur ngambi sama meri perati sereta kerejasama rat ngerintaska pengerekai Covid-19.

“Semua orang mesti sedarka pemesai reti SOP ti ditetapka Opis Menteri Pengerai Malaysia (KKM) enggau JPBNS tu ngambi nagang pengerekai Covid-19.

“Kitai mesti nitihka SOP tu lalu anang ngasuh ejensi penerit adat neritka atur ngasuh mayar kompaun RM1000 ngagai sida ti majak ngelanggar atur,” ku iya nyemetak madah.

Kim Shin ti mega Menteri Perengka Pengangkut Sarawak ngelalau pengempu kedai nambahka QR Code MySejahtera ngambi mensia mayuh enda besekut enggau lama nganti.

Suara Sarawak