KUALA LUMPUR: Konvensyen Nasional Perintah Penyerakup 2023 kemari bukti Perintah Penyerakup ti ditumbuh asil sukung 19 parti politik pengudah Pengawa Bepilih Besai Ke-15 (PRU-15) nya tegap.
Bejaku keterubah iya di Dewan Merdeka, Palan Dagang Dunya Kuala Lumpur ditu pengudah 25 taun, Menteri Besai Datuk Seri Anwar Ibrahim nyemetak madah, bukti penegap nya ukai semina ngagai rayat tang mega ngagai dunya.
“Perintah tu ukai semina tegap tang deka meruan nyentuk PRU ke deka datai,” ku iya.
Anwar mansutka jaku nya ba Pesan Khas beserimbai Konvensyen Nasional Perintah Penyerakup 2023 kemari ti digulu lebih 3,500 pengari.
Anwar ke mega Chairman Sekretariat Perintah Penyerakup madah, pemujur ngatur konvensyen sehari tu (kemari) ngiar jaku madahka Perintah Penyerakup betuai ke iya kenyau ari enam bulan ti udah enda ulih beretan.
“Perintah Penyerakup tegap ti ngingau agi ngingau. Perintah Penyerakup tegap ngamatka semaya ngagai rayat,” ku iya nyemetak. – BERNAMA.
