KUCHING: Kopi Liberika deka ditanam mayuh agi ba Sarawak taun tu, ku Pengari ari Reka Jaya Plantation, Edward Yong.
Iya madah urung 520 hektar kopi bansa Liberika deka ditanam ba menua Sarawak ujung taun tu.
“Tunga ke utara, kami nagit urung 150 hektar, lalu ba baruh Sarawak, kami nagit urung 200 hektar asil tanam kopi.
“Kopi ukai semina deka nyadi asil komiditi, tang dikemansang ngambika ulih mantu sida ke nanam kopi,” ku Edward.
Iya madah munyi nya lebuh bejaku pasal Pemansang Kopi Liberika di Sarawak ba pengawa Symposium Kopi Borneo 2019 ba Begunan Kort Lama, Kuching, kemari.
Edward madah naka ke diatu 110 hektar ladang kopi bisi dibuka ba utara Sarawak.
“Tu betuaika Jackson Nanta ari bagi menua Miri lalu iya tu orang keterubah ngerembaika pengawa nanam kopi ba menua nya.
“Lalu tunga ke baruh Sarawak empu, diatu bisi urung 60 hektar ladang kopi,” ku iya nambah.
