Lachau ulih nyadi mengeri organik

SIMANGGANG: Pasar Lachau bisi penau angkat mansang kediri nyadi mengeri organik laban ngembuan bemacham asil pemakai.

Di Lachau chukup mayuh pemakai sayur ti agi baru lalu siti ari sayur dia nerima makit ti manah ba luar baka terung Dayak, ku Datuk Patinggi Abang Johari Tun Openg.

Kepala Menteri madah menua Singapore chukup rinduka asil pemakai ke datai ari Sarawak baka terung Dayak.

“Nya alai, lebuh ngetu enda lama ba pasar Lachau tadi (kemari) laban deka makai, dia aku tepaut ati meda buah terung Dayak ti bisi dijual sebelah makit.

“Nyadi terung tu ngembuan peminta ti tinggi ari menua luar baka Singapore sereta mega ngembuan peluang makit dagang entarabansa ti chukup manah, “ku iya.

Iya madah munyi nya ngagai pemberita pengudah Pengawa Nasih Tanah Projek Rayat (Ngemanah Tebing Sungai (Palan Pengerami Benak) ditu, lemai tadi.

Suara Sarawak