ARTIKEL

DUIT SYILING… Siku lelaki seranta meli iPhone Pro Max ngena duit syiling

Meli telefon ngena duit syiling

Facebook
Twitter
LinkedIn
WhatsApp
Telegram

NEW DELHI: Ba India, ngembuan iPhone nya nunjukka kitai orang kaya laban orang bukai enda ulih meli telefon model pemadu baru enggau mar rega nya.

Empai lama, ba Instagram ‘Experiment King’ udah bejalaika ekspermin ngambi meda timbal pengempu kedai enti orang seranta datai meli iPhone.

Ba video nya, siku lelaki seranta nuju kedai ba Jodhpur lalu mai guni ngundan duit syiling dikena meli telefon nya.

Tang, penatai lelaki nya enda dikemuning lalu bisi enda dikemendar tama laban gaya gamal enggau gari dikena iya kamah kelimpah enda nerima duit syiling dikena meli iPhone.

Taja pia, bisi sebuah kedai ulih nerima duit syiling dikena meli iPhone.

Pengudah penatai iya diterima, lelaki nya mubuh ke guna lalu pengereja ngira duit nya.

Enda lama udah nya, iya pen ngambi iPhone Pro Max lalu meresa sereta begambar enggau pengereja ba kedai nya.

Kenyau dikunsi ba media rama, video nya udah dipeda 34 juta kali.

LAIN-LAIN BERITA

BERITA TERBARU