Nembiak IPT berengkah pulai pagila

KUCHING: Bala nembiak belajar ba Sarawak disadang berengkah mulaika diri ke menua 29 tauka 30 April tu.

Tu nyengkaum Universiti Malaysia Sarawak (Unimas), Universiti Teknologi Mara (UiTM) Sarawak enggau palan pelajar tinggi ke bukai ba nengeri tu.

Chairman Komiti Penyangga Penusah Ngenyit Nengeri (JPBN) Datuk Amar Douglas Uggah Embas madah, pemulai bala nembiak ke tepekul sekumbang Atur Tagang Pejalai (PKP) tu dibaruh pegai piak pengatur Unimas.

“Opis Menteri Pelajar Tinggi (KPT) udah minta piak pengatur Unimas ngambika ngatur pejalai sida ke menua.

“Kami udah dipadah, sida deka mulaika diri ke menua berengkah 29 tauka 30 April tu.

“Bala nembiak deka dianjung ngagai pelilih menua sida empu lalu ari endur nya sida meseti pulai kediri ngagai rumah sida,” ku iya.

Uggah madah munyi nya ba aum pemberita di Wisma Bapa Malaysia ditu tadi.

Suara Sarawak