SIBERIA: Peranak ba mengeri Batagay, Yakutia ditu sedar sebuah lubang besai dia majak besai enda nyalah baka nelan semua utai ti ngelingi nya.
Nya alai, peranak dia ngelar lubang nya ‘nyawa ke neraka’ ti nyadi pintu tama ngagai dunya bukai.
Lubang nya keterubah disukat ba taun 1980 tang diatu lubang nya ngembuan pemanjai urung satu kilometer enggau penalam 86 meter.
Bala saintis pechaya lubang nya nyadi ketegal tanah permafros ti lela pengudah meku ba Jeman Ais Kuarter urung 2.58 juta taun suba.
Ba taun 1960, kampung dia berengkah ditebang ngujung mata panas manchar terus ngagai tanah lalu ais dalam tanah nya berengkah lela.
Nya ti ngasuh tanah dia berinsur tengelam sereta nempa lubang ti besai lalu majak besai nyentuk sehari tu.
