SIBU: “Terus Jak Kerja Kita (Pajak Aja Kereja Kita),” ku Menteri Muda Kaunsil Kandang Menua enggau Pengawa Berumah Dr Annuar Rapaee maya ngatur randau enggau 23 iku nembiak ti bisi muka bengkel motosikal enggau kerita ba opis servis iya ditu, kemari (Hari Enam).

Ba randua nya, iya bisi ngemendarka agih RM115,000 ungkup bala nembiak nya meli perengka bengkel.

“Aku ransing deka ngemansangka bala nembiak ditu ngena pengelandik ke bisi dikembuan sida.

“Berebak enggau nya, laban ke nyadi Adun Nangka aku deka bala nembiak ditu terus ngerembaika pengelandik sida,” ku iya.

Iya madah Hastag#terusjakkerjakita endang nyadi rambai jaku iya laban ngemeratka pemansang rama enggau penatai pemisi rayat ari dipejah enggau nyadi rengka politik.

“Nyadi pengari rayat manah agi aku gawa nitih enggau bejalaika pengawa ke udah dikemanah,” ku tandu iya.

Berebak enggau nya, iya madah nembiak ke datai ngulu setuju numbuhka Kelab Bengkel Nembiak Sibu.

“Aku mega minta patut ditumbuh siti opis nyadi inkubator ungkup tuju numbuhka serikat tauka Enterprise.

“Ruang Opis Kaunsil Pengintu Pengelantang Islam Sibu (LAKIS) udah diperambu ungkup tuju nya,” ku Menteri Muda Pelajar, Sains enggau Pansik Teknologi nya.

Dr Annuar madah, bala nembiak mega merambu penumbuh Palan Bengkel Nembiak enggau tiga pana ke udah dikelala tang empai dipilih.

“Nengah pemisi palan tu, iya deka ngemuntang bala nembiak ngatur kus ungkup kaban sereta nambahka pengelandik sida,” ku iya.