PBB Satok deka mantu ngelakuka utai tanam di Sarawak

KUCHING: Parti Pesaka Bumiputera Bersatu (PBB) Pampang Satok deka ransing mantu ngelakuka utai tanam menua tu kelebih agi buah rian ke ulih mai asil penatai pemisi ti besai ngagai Sarawak.

Kepala Menteri Datuk Patinggi Abang Johari Tun Openg madahka buah rian siti ari asil tanam betupi ke benung laku diatu  laban mayuh asil produk ari buah rian nerima peminta ti tinggi ari menua entarabansa.

“Taja kitai diau ba mengeri, tang kitai ulih ngumpul barang mata ari menua pesisir baik nya nengah online tauka makit luar dalam ngelakuka buah rian tu.

“Kelebih agi diatu, kitai bisi Sarawak Pay lalu nya siti ari kebuah PBB Pampang Satok bekerejasama dalam mantaika buah rian tu chukup berega kelimpah ari berami makai rian,” ku iya.

Abang Johari madah munyi nya ba aum pemberita beserimbai enggau Program Jum Berambeh Makai Rian ba luar Surau Darul Qarar, Kampung Temedak ditu, pagi tadi.

Nangkan nya ku iya, asil betanam betupi menua tu ukai semina ulih ngangkat produk Sarawak tang mega ngelakuka pengawa dagang temuai.

“Ukai nya aja, kitai mega ulih ngelakuka pengawa dagang temuai kitai nengah makit pemakai,” ku iya.

Suara Sarawak