ARTIKEL

Kredit: UKAS

PBT Sarawak nerima agih RM573 juta nengah RMK-13

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Opis Bekuasa Menua (PBT) di Sarawak nerima agih pemansang RM573 juta nengah Langgur Pemansang Malaysia Lumpar Ke-13 (RMK-13) ti begunaka penyikar enggau tikas pemanah gawa dikena nentuka semua projek pulaika penguntung rayat.

Sapit Premier Sarawak ke mega Menteri Pengerai Mensia Mayuh, Pengawa Berumah enggau Perintah Menua, Datuk Amar Prof Dr Sim Kui Hian madah, ari penyampau nya, RM151 juta taun tu dikena ngaga macham projek pemansang ke dipegai PBT.

“Ba RMK-13, PBT nerima agih RM573 juta dikena ngaga projek.

Taun tu aja RM151 juta.

“Reti iya, PBT megai tanggungpengawa besai.

Sebedau tu, kitai enda kala nerima agih mayuh baka tu,” ku iya maya Pengerami Anugerah MPHLG ditu, Hari Satu.

Iya mega madah, penyampau agih ke nambah nya begunaka PBT nentuka semua projek digaga enggau mujur taja penyampau staf ke bisi enda nambah.

Berindik ari nya, iya madahka pemesai reti kerejasama semua PBT dikena ngemujurka agi servis gawa.

Ba pengerami nya, macham basa bisi disuaka dikena masa pengeransing PBT enggau komuniti bejalaika macham inisiatif ti mai pemaik ngagai pengidup mensia mayuh.

Bela datai Sapit Menteri Pengerai Mensia Mayuh, Pengawa Berumah enggau Perintah Menua Datuk Dr Penguang Manggil, Sekretari Mendam Opis Menteri Pengerai Mensia Mayuh, Pengawa Berumah enggau Perintah Menua, Datu Elizabeth Loh, Sapit Datuk Bandar Kaunsil Mengeri Kuching Selatan (MBKS), Dato Dr Zaiedi Suhaili enggau Sapit Datuk Bandar Kaunsil Mengeri Kuching Utara, Ariffin Mohamad. — EDISI UKAS

BERITA LAIN

KMKK dipinta bejalaika pengawa enggau manah

BETONG: Tuai Raban Bansa enggau Genturung Pendiau (KMKK) ditangkan ngambi bejalaika pengawa enggau manah dikena nentuka pengelantang pengidup rayat pegai sida. Sapit Menteri Raban Nembiak,

BERITA TERBARU

KMKK dipinta bejalaika pengawa enggau manah

BETONG: Tuai Raban Bansa enggau Genturung Pendiau (KMKK) ditangkan ngambi bejalaika pengawa enggau manah dikena nentuka pengelantang pengidup rayat pegai sida. Sapit Menteri Raban Nembiak,