KUCHING: Undang-undang enggau konstitusyen patut dipebasa laban nya endang udah atur menua tu.

Ketuai Indu Parti Pesaka Bumiputera Bersatu (PBB) Datuk Seri Fatimah Abdullah madah, nadai pekara ngelui ari undang-undang lebuh Dr Ting Tiong Choon ditingkil ari penuduk Adun Pujut tadi.

“Undang-undang enggau konstitusyen menua enda tau enda dipebasa semua kitai.

“Tu siti ari teladan ngagai semua kitai ke alai undang-undang nya siti pekara chukup besai lalu patut dipebasa,” ku iya seraya nambah, enti kitai beratika silik, pemutus Kort Besai endang udah terang sereta nyentuk didinga.