KUCHING: Sarawak pechaya status nengeri bepenatai pemisi tinggi ti diaku Bank Dunya nya ulih dikalih meruan agi ngagai penatai pemisi ruang bilik manggai taun 2030.
Premier Sarawak, Datuk Patinggi Tan Sri Abang Johari Tun Openg madah, nya deka ulih dijapai semina ari pekara pelajar enggau pemansang bakat rayat kelimpah negapka rayat enggau penau sereta penemu ti betul.
“Nya alai, perintah keran nempa raban bepengelandik ti udah bisi ungkup industri baru lebuh Sarawak udah maju nengah Strategi Pemansang Pengudah Covid-19 (PCSD) 2030.
“Nyema sebuah nengeri nya kaya, rayat mega meseti kaya, nya kebuah pemeranak puku pemadu beguna ngagai Sarawak endang ari pekara pelajar enggau pemansang bakat,” ku iya.
Abang Johari bejaku munyi nya rambau Randau Tujuh Taun Begulai enggau Premier ti diatur ba Bilik Ballroom Satok, Palan Aum Hikmah Exchange ditu, malam tadi.
