KUCHING: Randau bekaul peminta agih belanja sebela ti ditagih kaban parlimen penyakal deka diatur kena 17 April tu ila.
Sapit Menteri Besai, Datuk Seri Fadillah Yusof madahka peminta ti dibantaika Tuai Penyakal, Datuk Seri Hamzah Zainudin, Tuai Whip Penyakal, Datuk Seri Takiyuddin Hassan enggau Kaban Parlimen Beluran, Datuk Seri Dr Ronald Kiandee ba aum sebedau tu deka dibai ngagai renggat Kaunsil Raban Tuai Supreme Sekretariat Perintah Penyerakup.
“Sida madahka diri deka minta agih belanja sebela lalu sebarang atur bekaul bepanggai ba perintah.
“Aku deka mai pekara tu ngagai renggat Kaunsil Raban Tuai Supreme Sekretariat Perintah Penyerakup ngambi ulih mantaika peminta sida,” ku iya.
Fadillah mansutka jaku nya rambau dirandau pemberita serimbai Pengerami Ngelalu Pengabang Hari Raya Sapit Menteri Besai ba Hikmah Exchange ditu, sehari tu.
Ngelansa silik, iya madah, lebuh Hamzah nyerah ngagai perintah ba pengawa ngeletak atur, sida semina deka meri pemutus nyengkaum nentu agih ti deka diberi ba aum nya ila.
