SARIKEI: Peranak ba Sungai Mador enggau Sungai Kabu, Meradong gaga pengudah perintah nyeleti jalai ti suah ditengah ke pemaik sida bejalaika aktiviti ninting hari.
Kaban Parlimen Sarikei, Datuk Seri Huang Tiong Sii madah, projek besai nya sebengkah projek nyeleti jalai penyambung ti dipejalai ba sitak Meradong ungkup timpuh 12 bulan keterubah taun tu.
Pia mega, ku iya, perintah bela bejalaika sekeda projek sebaka ba sitak bukai ti nyadi inisiatif nambah infrastruktur diguna rayat.
“Aku ti nyadi pengari rayat ba kededua sitak tu (Sarikei enggau Meradong) naka ulih ngagih projek rayat enggau sebela.
“Aku mega gaga ati laban projek ti dipejalai lanchar nitih taga,” ku iya.
Gung Chiu Kion ti ngarika Tiong Sii bepeluang ngemataka Pengawa Nyua Taba Program Transformasyen Menua Pesisir (RTP) ba sitak Meradong.
Nya mungkur projek nyeleti jalai Rumah Rentap, Batu Enam, Jalai KJD Sungai Rayah enggau projek ngaga dinding batu ba Rumah Juliana, Sungai Kabu.
