Peratika guna insuran Allianz Kampungku

KANOWIT: Dayak Response Team tauka DART chakah ngatur Kimpin NyeliahKa Penusah Tasah Angus begulai enggau Pos Malaysia Bhd ngaduka insuran Allianz Kampungku.

Pengari DART, Tajem Sinok madahka nengah kimpin tu mega kitai ngarap ulih muka runding enggau matak mensia mayuh kelebih agi peranak rumah panjai sedarka pemesai reti tuju enggau juluk pengawa dipejalaika sida.

“Nadai tuju bukai kelimpah ari mai mensia mayuh kelebih agi sida ke diau ba rumah panjai di menua pesisir meretika pemesai guna polisi insuran tu.

“Insuran tu tau ke penabat maya penusah ngenyit nyadi. Ukai reti kitai ngajihka rangkang ngachuk mata tang dikena kitai ngadang penusah ke tau nyadi sebarang maya,” terang iya.

Tajem mansutka jaku tu rambau Pengawa Ngelancharka Program Insuran Allianz Kampungku ungkup rumah panjai pelilih Kanowit ti udah dipenyadika Adun Machan, Allan Siden Gramong ba Rumah Maling Nyapang, Sungai Maong, Kanowit ditu, apin lama ke udah.

Suara Sarawak