PKR Sarawak ‘lenyau’ ketuai ti berani

KUCHING: Parti Keadilan Rakyat (PKR) Sarawak tau dikumbai nadai ketuai bepenau agi ti nyadi tulang belakang kelimpah diperati badu agi nyadi parti ti tegap.

Ex-Ketuai Srikandi PKR Sarawak Sylvia Pawa Anggat madah, iya empu sebedau tu tekuing ati nyadi kaban parti nya laban penegap penemu ti nulak ulah bechiping, makai suap sereta mai reformasyen ngagai Malaysia.

“Aku bepegai teguh ngagai penemu tu, tang nyentuk pekara ke nyadi apin lama ke udah ba bala ketuai tinggi PKR.

“Nadai ketuai Sarawak ti diasaika lurus ati, bepenau enggau berani baka Baru Bian, See Chee How enggau Ali Biju dalam parti tu.

“Ba aku sida tu tiang pemun enggau tulang belakang PKR Sarawak. Nya kebuah aku ngasaika PKR enda ulih nyingkang ke mua nyadi siti tim ti tegap agi udah tu,” ku iya.

Sylvia mansutka jaku nya ba penerang nyurutka diri ari semua pangku pengawa ba PKR tekala nya, berengkah ari sehari tu.

Suara Sarawak