ARTIKEL

TIMBAL MANAH… Program Mobile CS ti diatur ba Kampung Mongkos nerima timbal manah ari peranak dia.

Program Mobile CS nerima timbal manah ari peranak Mongkos

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SERIAN: Program Servis Komuniti Mindah Kin Kia (Mobile CS) ti diatur ba Kampung Mongkos ditu nerima timbal manah lebuh lebih 500 pengusung program nya naka pukul 10 pagi kemari.

Ba program nya, lebih 30 peranak dia ngerejister enggau ngemaruka penerang sida ba sistem Pangkalan Data Besai (PADU).

Penyampau nya disadang nambah ngagai lebih 200 iku nyentuk program nya tembu diatur.

Pengawa ngerejister nya diatur ba kaunter Opis Banchi Malaysia Nengeri Sarawak ti nyadi siti ari 25 ejensi perintah ti bela nyendia servis nya.

Program sehari nya berengkah diatur pukul 8.30 pagi nyentuk 4.30 lemai sereta dirichahka agi ngena bemacham aktiviti narit ati.

Nya nyengkaum pengawa meri licha, nyabut tikit benasip, pekit ngechat ungkup nembiak mit, pekit ngias bungai ungkup raban indu, pekit karaoke enggau ti bukai.

Mobile CS nya diatur Opis Perbendaharaan Nengeri Sarawak ba Kampung Mongkos ti mungkur servis pemun nitih peminta peranak lokal lalu palan ngatur program nya udah dikelala ejensi perintah.

Nya mega siti ari inisiatif Opis Menteri Pekara Wang Malaysia dikena nyendia servis pemun ti diguna rayat menua pesisir tauka komuniti menua ulu.

Program nya nyendia servis pemun perintah nyengkaum bekaul betanam betupi, pengerai enggau pengawa puang sereta nyendia peluang dagang ngagai peranak lokal baka ngerejister serikat.

Nya nyengkaum nyendia pelasar ngambi bantu perintah ulih diberi terus ngagai raban diselinting, meresa status bantu ari sekeda ejensi, meri penerang enggau penyedar ngagai rayat bekaul polisi, program enggau aktiviti ejensi perintah.

BERITA LAIN

BERITA TERBARU

Optimum infrastruktur kuasa hidro negara

KUCHING: Kementerian Peralihan Tenaga dan Transformasi Air (PETRA) berminat untuk bekerjasama dengan Sarawak Energy Berhad, Persatuan Tenaga Hidro Antarabangsa (IHA) dan Perikatan Boleh Diperbaharui Global

Buaya tersangkut pada mata kail di Sebuyau

SEBUYAU: Disangka ikan besar, rupa-rupanya buaya tersangkut pada mata kail yang dipasang penduduk di sungai Kampung Nat di sini, hari ini. Komander Operasi PBKII KUP