KUALA LUMPUR: Shell Malaysia ngelalu peminta bala nembiak ti bisi ati deka gawa ba industri kuasa nengah Program Sekularship Shell 2025.
Peminta ninting taun ungkup nembiak ti deka nampung pelajar ba renggat ti tinggi agi diatu benung dibuka.
Program tu nyendia peluang ngagai nembiak ti mujur nampung pelajar ba renggat degree ba universiti tebilang dunya kelimpah diembing sereta diberi peluang bejalaika latih industri begulai enggau Shell.
Pengudah tembu belajar, bala penerima sekularship bepeluang ngepun kereja sida ba bemacham pengawa baka injiniring, geosains enggau komersial ba operasyen Shell di serata dunya.
Chairman Menua Shell Malaysia ti mega Mandal Presiden Kanan Gas Begulai sereta Renggat Ulu Malaysia, Siti Hurrairah Sulaiman madah, Program Sekularship Shell nya dikena matak runding pemadu manah menua nengah pengawa nyendia peluang belajar ti berega.
Iya nyemetak madah, Shell chakah nempa penau biak nyadi tuai enggau pakar industri bepenau dudi hari.
“Kitai begunaka mayuh agi raban profesional bepenau tinggi ti mantu ba sektor kereja enggau ngamat aspirasyen Malaysia nyadi siti ekonomi bepenatai pemisi tinggi enggau meruan,” ku iya ti mega ex-penerima sekularship Shell.
Program nya mungkur semua belanja bekaul bayar sekula, kos pengidup, bup enggau elaun bukai bepanggai ba tikas penyulut akademik nembiak.
Sekularship nya nyendia belanja ungkup pelajar tikas pra-universiti (A-Level) ba sekula buding penuh ti dipilih dalam menua sereta degree di universiti tebilang di Amerika Syarikat, United Kingdom tauka Australia.
Haribulan kepenudi nganjung peminta ungkup Kelas 2025 iya nya 14 Mei 2025 pukul 11.59 malam.
Pemutus nembiak ti minta sekularship nya deka ditemu ba ujung bulan Julai 2025.
Ungkup penerang silik enggau chara minta, bala nembiak diperansang neresa website https://www.shel.com.my/careers/students-and-graduates/scholarships.html.
