KUALA LUMPUR: Operasyen organisasyen media ungkup produksyen, program, berita, rencana enggau ngenataika penerang dikemendar gawa sekumbang Atur Mindah Betagang (PKP) dipejalai.
Taja pia ku Menteri Komunikasyen enggau Multimedia, Datuk Saifuddin Abdullah, operasyen media bukai baka pemerindang enda dikemendar.
Terang iya, operasyen media ba nengeri diteritka dalam Atur Mindah Betagang Belebas (PKPB) enggau Atur Mindah Betagang Penyuman (PKPP) ulih dipejalai nitihka Atur Pengawa Standard (SOP) ti udah ditetapka.
“Raban media nya entara raban gawa ba luan lebuh menua napi penusah besai baka tu.
“Nya alai, sida dilalau seruran nitihka SOP ti udah ditetapka lebuh gawa ngambi nyaga diri sereta nyaga pengelikun diri sebilik enggau komuniti ari pengerekai Covid-19 tu,” terang Saifuddin.