Raphelson meri emas keterubah Sarawak

KUCHING: Atlit baru Nyemerai Para Sarawak, Rapelson Richard Hamit, 32 mujur meri perais midul emas keterubah ungkup tim nengeri tu ba Pekit Nyemerai Para Tebuka Malaysia 2019 ke diatur ba Palan Akuatik MPK, Kuantan Pahang pagi tadi.

Nitihku Rapelson pemujur tu berekat ari peransang orang ke disayau iya nya bini, bala anak, kaban belayan, pematih enggau mensia mayuh.

“Semua pengawa dikereja meseti dikereja enggau pengeliat ati, anang mudah ngaku alah tauka betegalka pengurang diri.

“Pemujur tu balat meri pengaga lalu sigi udah disadang bekau ari pemendar belatih ngelama tu,” ku iya maya dirandau Suara Sarawak.

Berebak enggau nya, Raphelson besemaya deka bebendar agi ba lumba ke diatur ba hari kedua (sehari tu) awakka ulih nambah penyampau midul ungkup tim Sarawak.

Midul emas, kedua Sarawak diulih Julius Jeranding ba lumba 100 m (Kategori S11-S13).

Julius mega teulihka siti agi midul emas nengah lumba 50 meter (Gaya Ngatika Diri).

 

CHAMPION…Raphelson menang dua midul emas ba hari keterubah Pekit Nyemerai Para Tebuka Malaysia ke benung diatur ba Palan Akuatik MPK, Kuantan Pahang.