KUCHING: Perintah Sarawak keran negap agenda pemansang sosial ti inklusif enggau meruan nengah pengawa nyaga pengelantang rayat nyadi pekara ti dikemerat nyerumba taun 2026.
Menteri Pemansang Indu, Nembiak Mit enggau Pengelantang Komuniti Sarawak, Datuk Seri Fatimah Abdullah madah, taun baru ukai semina ngerebak lambar baru tang mega nyadi pemun ngagai opis menyeri iya regas agi gawa, strategik enggau keran ngemujur perambu ti udah dilanggur.
“Peneleba sepanjai taun nyin tadi nyengkaum pemar enggau pemujur ngajar pemesai guna negap atur pengawa, servis sereta nentuka pengelantang rayat semampai dikenulu,” ku iya nengah pesan Taun Baru 2026, ditu kemari.
Ku iya agi, pemansang indu deka terus diberi perati lalu berati ke raban nya ukai semina penerima pemaik tang mega nyadi bakih strategik enggau penyungkak ubah dalam komuniti.
