ARTIKEL

DR ADRIAN SUSIN AMBUD

RIB 2023 diatur 31 Oktober-1 November

Facebook
Twitter
LinkedIn
WhatsApp
Telegram

KUCHING: Aum Rabies di Borneo (RIB) 2023 deka diatur kena 31 Oktober nyentuk 1 November tu ba Hotel Imperial ti nyendia 30 mata kredit Pemansang Profesional Betampung (CPD) ngagai raban profesional ti ngambi bagi ba aum nya.

Pia mega, nya nyendia rega manah iya nya RM100 ungkup bala nembiak.

Direktor Opis Servis Veteriner Sarawak, Datuk Dr Adrian Susin Ambud madah, aum taun tu nyelai agi laban meri peluang ngagai raban profesional, nembiak enggau komuniti begulai ngelala strategi enggau chara nagang rabies pemadu baru.

“Aum tu dikena nambahka penyedar senentang pengawa nagang rabies, vaksinasyen, chara nagang sereta ngemerat pengawa nupi jelu diinang ti bisi tanggungpengawa,” ku iya ba sebengkah penerang tadi.

Iya nyemetak madah, taja pen igi penyakit rabies balat ngeruga pengerai ba Sarawak tang ulih ditagang 100 peratus ngena vaksinasyen.

“Nya kebuah RIB 2023 tu beguna amat laban kami ngempung bala pakar ari serata dunya bekunsi penemu pemadu baru enggau chara pemadu manah dikena nagang igi penyakit rabies.

“Tu ulih dikena menua kitai ngemansang strategi baru dikena munas igi penyakit ti ulih munuh nyawa tu,” ku iya.

Nangkan nya, entara topik deka dipejurai ba aum nya ila baka Pengawa Matau Bepelasar ke Komuniti enggau Ngatur Ketup Jelu sereta Penyakit Meraka Adan: Kerejasama Entara Malaysia enggau Indonesia.

“Topik Raban Penerit Atur Tali Punggung Imun: Siti Pansik Kes Sarawak, Pemesai Guna Komunikasyen ba Pengawa Meri penyedar Rabies bela dipejurai,” ku iya.

Mensia mayuh ti deka nemu silik bekaul RIB 2023 enggau pengawa rejister diri ungkup aum nya diperansang ngelawa website www.rabiesinborneo.com, betelefon ba lumur 082-555189 tauka email rabiesinborneo@gmail.com.

LAIN-LAIN BERITA

BERITA TERBARU