SIBU: Raban Balai Bomba enggau Penyah Penusah (BBP) Sungai Merah deka disikap rumah ulih dibeli ungkup sida.

Pekara tu dipadah Sapit Menteri Pengerai Mensia Mayuh, Pengawa Berumah enggau Perintah Lokal, Datuk Michael Tiang Ming Tee ngagai pemberita pengudah bejadi Pengerami Ngabang Aidilfitri Renggat Opis Bomba enggau Penyah Penusah Malaysia (JBPM) Sarawak ti diatur di BBP Sungai Merah, malam tadi.

Ku iya, buah penemu nya udah dikerandau enggau sida lalu endur numbuhka genturung nya dilanggur digaga semak balai bomba nya.

“Raban bomba sikar bejalaika pangku pengawa nyaga pengelikun mensia mayuh lalu udah datai maya kitai meri sukung ngagai sida.

“Aku merambu netapka siti kuota khas ungkup raban bomba ba projek rumah ulih dibeli ti dikena mantu sida bisi rumah kediri empu,” ku Kaban Kunsil Nengeri (ADUN) Pelawan nya.