“Enti sida sekretariat ti bejalaika ubah tu manah ngereja pengawa sida, tentu ulih mai pemujur lalu bisi pemutus ti manah entara kededua piak.”

KUCHING: Pemuntan ubah dalam Rang Undang-Undang (RUU) Konstitusyen Perintah Besai (Ubah) 2019 ketegal ari pengelemi sida sekretariat ngatur pengawa.

Kepala Menteri Abang Johari Tun Openg madah Menteri Besai Tun Dr Mahathir Mohamad chukup lurus bekaul enggau ubah tauka pengawa ngadu baru Sempekat Malaysia 1963 (MA63).

“Enti sida sekretariat ti bejalaika ubah tu manah ngereja pengawa sida, tentu ulih mai pemujur lalu bisi pemutus ti manah entara kededua piak.

“Ubah tu patut bisi pengawa berandau betunga mua enggau manah,” ku Abang Johari rambau pengarang berita pengudah pengawa nutup Program Certified Intergrity Officer (CeIO) ba begunan Kaunsil Nengeri (Dun) Lama, kemari.

Iya madah ba pun randau pasal pindaan nya, semua bejalai enggau manah.

“Tang lebuh kami meda ubah nya enda baka pekara dipinta kami, nya kebuah kami bisi pemutus baka ke diatu.

“Pekara ti patut bisi dalam ubah nya iya nya entara konstitusyen enggau MA63,” ku iya madah.

Lebuh dirandau raban media, Abang Johari madah deka bisi aum baru bekaul enggau pekara nya dudi hari.

NERANG… Abang Johari lebuh dirandau raban media begunan Dun Lama, kemari.

Suara Sarawak