Sarawak dikearap terus likun sereta mansang

KUCHING: Hari Sarawak nyadi siti pelasar dikena ngelai Sarawak terus mujur ke mua kelimpah nangam rat kaul rayat di nengeri tu.

Kaban Parlimen Puncak Borneo, Willie Mongin madah, Hari Sarawak siti pelasar dikena nengeri tu terus maju nyingkang ke mua.

“Kitai mayuh tinggal ari sukut pemansang insfrastruktur enggau ke bukai.

“Aku ngarapka beserimbai enggau hari manah tu awakka Sarawak terus likun, bulih pemaju ti teguh enggau terus mandangka penau peranak menua tu,” ku iya.

Iya madah munyi nya lebuh ditanya pemberita ba program Karnival Pengawa Puang Renggat Bagi Menua Kuching 2019 ti diatur Opis Pengereja

Pengawa Sarawak di Balai Mensia Mayuh sitak Siniawan, Bau kena 20 Julai tu tadi.

Tambah Willie, Hari Sarawak ulih mai penyerakup enggau ngaul rat selampur rayat Sarawak sereta sama bebasa enggau pangan diri.

Kelimpah nya, iya sempat nyebut selamat ngintu Hari Sarawak ngagai rayat di menua tu enggau awakka semua diberekat petara.

Willie Mongin