KUCHING: Opis Menteri Industri Pemakai, Komoditi enggau Pemansang Wilayah (M-FICORD) deka bejalaika pengawa betanam betupi di Sarawak nunda chara Brunei Darussalam.
Menteri iya, Datuk Seri Dr Stephen Rundi Utom madah, pekara nya beguna amat dikena nambahka pemansut pemakai ba nengeri tu kelebih agi bekaul padi.
Ku Dr Rundi, kemari iya udah nemuai ngagai menua sepiak ngambi beratika baka ni pelin enggau chara sida bejalaika pengawa betanam betupi.
“Nitihka penerang, Brunei udah nurai sekeda pemujur ba pengawa tu lalu tu ulih dipejalai di Sarawak.
“Kebendar, kitai bisi Taman Agroteknologi Sarawak (SARTECH) di Semenggok,” ku iya.
Dr Rundi mansutka jaku nya ba aum pemberita pengudah nerima penemuai basa Menteri Pemansut Asal enggau Dagang Temuai Brunei Darussalam, Datuk Dr. Abdul Manaf Metussin enggau diligit iya di Hotel Waterfront Kuching, kemari.
