KUCHING: Sepital Besai Sarawak (SGH) minta saup mensia mayuh ngiga kaban belayan tauka pewaris ngagai siku pesakit lelaki bebansa Melayu ti benama Mohamad Rajali.
Sebengkah penerang ari Hus madah, pesakit beumur 63 taun nya dibai ngagai Unit Emejensi sepital nya kena 10 April.
Mensia mayuh nganjung iya ngagai SGH pengudah tetemu ke iya enda ngeleda ba tisi jalai.
“Bepelasar ke kad pengelala pesakit, iya diau ba Kampung Tengah, Sungai Kuali, Serkat, Pontian, Johor.
“Adres kepenudi pesakit iya nya ba No. 42, Jalai Matang, Batu 10, Kuching,” ku penerang nya, sehari tu.
Nya alai, raban sepital minta saup mensia mayuh ti ngelala pesakit tauka pewaris tudah datai lengkas ngagai wad NHDU, Begunan Wad Nembiak Mit, SGH tauka telefon terus ngagai lumur 082-276666 sambung 3813.
