BAU: Sebuah lori ngundan sayur enggau buah dipelaba barang dibai chara belalai ari menua Indonesia ditan ba Sekat Jalai Alun (SJR) semak Suba Buan, kemari (Hari Minggu).
Ketuai Polis Pelilih Bau, DSP Poge Nyaon ngenukuka seraban Unit Pansik Penyalah Indu Opis Polis Pelilih (IPD) Bau udah ngetan lori nya lebuh matau endur nya urung pukul 12.30 tengahari.
Ku iya, lori nya ba rantau jalai ari Kampung Serasot ngagai Pasar Bau.
“Asil matau Ops Benteng, piak polis mujur nangkap dua iku lelaki beumur 27 enggau 43 taun dalam sebuah lori ngundan barang dibai chara belalai ari menua sepiak.
“Entara barang ditemu dalam lori iya nya 12 guni lia, 15 guni kachang, 18 guni buah naga, buah jabang enggau keladi bela lapan guni udah dirampas ungkup atur bukai,” ku iya meri penerang, ditu tadi.
