Sekeda endur di Limbang ampuh bah

LIMBANG: Sekeda endur ba pelilih tu udah berengkah dilamun ai beduduk ari ai pasang raya enggau ujan enda ngetu mua ke lemai ensana.
Pengari Komiti Penyangga Penusah Nengeri Sarawak (JPBNS), Mejar Ismail Mahedi madahka ujan bangat enda ngetu ari lemai nyentuk tengah malam berapa hari ke udah ngujungka sekeda endur udah ampuh.
Nya kebuah ku iya, Raban Penyangga Orang Periman (APM) udah nyikap diri sereta bejalaika pengawa matau ba endur ti ditemu udah ampuh bah.
“Taja pia, kandang endur nya agi ulih dipatau lalu kami ngemeratka endur ti besemak enggau sungai,” ku iya meri penerang, ditu kemari.
Nitihka ripot diterima, Kampung Merajang enggau Kampung Merambut udah berengkah ampuh bah.
Nya alai, raban APM ngelalau mensia mayuh telefon ngagai sida ba lumur 085 210471 (24 jam) enti penusah nyadi ba endur sida.

MATAU… Raban APM matau endur ti udah berengkah ditiki ai.