KUCHING: Sepital perintah beguna mayuh belanja, inovasyen enggau pekara ubah dikena nangkup pengerembai sektor pengerai ti moden sereta baru di menua tu.

Sapit Premier Sarawak ti mega Menteri Pengerai Mensia Mayuh, Pengawa Berumah Enggau Perintah Lokal Datuk Amar Dr. Sim Kui Hian madahka sepital patut berubah ketegal pengerembai Industri Revolusyen (IR4.0) di serata dunya.

“Aku enda nemu kita kala ninga pasal IR4.0, nyema kita bedau kala ninga pasal tu nama kebuah diatu kita bemain telefon, nya meh IR4.0.

“Nya mega mayuh dikena ba sepital, kelebih agi kereban berubat ti moden sereta baru ba robot,” ku iya.

Kui Hian bejaku munyi nya rambau bejadi Hari Ngelalu Temuai Sepital Besai Sarawak (HUS) di Auditorium CRC HUS ditu tadi.

Ku iya, nembiak rebak baru meseti nemu pasal IR4.0 kelebih agi guna teknologi tu ba jeman ti deka datai.