LAWAS: Pengawa nyidi enggau nyelamat (SAR) dilanchar malam kemari dikena nyidi siku lelaki ke dipelaba lenyau maya ngasu ba kandang menua Kampung Pa’Berunut.
Tudah ke lenyau tu iya nya Robert Tamang Labo, 64 nurun ngasu kediri lalu nadai pulai nyentuk malam kemari.
Kenu ku Jurujaku Bomba enggau Penyah Penusah, raban sida nerima penerang pasal pengelelang lelaki nya urung pukul 9.47 malam.
Bekau ari nya, tiga iku kaban ari Balai Bomba enggau Penyah Penusah Limbang diasuh ngesah palan penusah.
Bepelasarka penerang, tudah nurun ngasu kediri lalu bejalai kaki enggau nadai pulai nyentuk ke malam.
Nya alai, peranak genturung pendiau nya diatu naka ulih ngiga tang agi bedau tetemuka tudah Robert.
“Pejalai ngagai palan SAR ngambi awak urung empat jam bepanggai ngagai ngaya jalai enggau gaya hari,” ku iya.