KUCHING: Sebuah sekula misyen, Sekula Primari (SK) Sacred Heart Semeba nerima bantu penyampau RM102,000 ari Unit Pekara Jalai Pengarap Bukai (UNIFOR).
Ku Kaban Kunsil Nengeri (ADUN) Batu Kitang, Datuk Lo Khere Chiang, UNIFOR ukai semina meri bantu ngagai rumah sembiang tang mega ngerembaika sayap sida mantu sekula misyen.
“Pengelebih tu semina bisi di Sarawak aja dalam menua Malaysia, menua bukai nadai pengelebih baka tu.
“UNIFOR mayuh mantu sekula misyen kelebih agi sekula ti udah repuk,” ku iya.
Khere Chiang bejaku munyi nya rambau Pengawa Nyuaka Bantu Belanja Sekula Misyen (SK Sacred Heart Semeba) di Sarawak ungkup Taun 2023 Renggat Dua di Opis Palan Servis ADUN Batu Kitang ditu, tadi.
Ba pekara bukai, Khere Chiang meri terima kasih ngagai Perintah Besai laban udah ngemendarka raban politik tama ke sekula.
