KOTA SAMARAHAN: Pengawa Lumba Malaysia (Sukma) ti ditaga diatur ba Johor kena April 2021 nyangka deka dilanjar ngagai taun 2022 nyema pengerekai pandemik Covid-19 apin punas.

Menteri Muda Nembiak enggau Lumba Datuk Snowdan Lawan madahka pekara nya deka ditentuka Aum Khas Komiti Besai Sukma kena bulan Disember tu ila.

“Naka tu, pengawa nyikap bala atlit endang ransing dipejalai lalu semua sida udah besedia ngulu pekit nya taun baru,” ku iya.

Iya bejaku munyi nya lebuh ditanya pemberita ba D-Virtual Park ditu, tadi.

Nangkan nya, Snowdan madahka nyema lumba nya dilanjarka, umur bala atlet deka betambah.

“Udah dua taun, sekeda bala atlet enda agi beumur 21 taun ke baruh agi.

“Taja pia, sida agi dikemendarka belumba nitihka rintai nama ke udah dipasukka sebedau tu,” ku iya.