KUCHING: Tagit nyapai RM8 bilion asil eksport dalam industri koko disadang tejapai pengudah beratika pengerami ke deka diatur enda lama agi.
Tuai Direktor Kaunsil Koko Malaysia (LKM), Datuk Dr Ramle Kasin madah, peminta produk koko deka nambah ba selampur Malaysia berindik ari Pengerami Krismas ke deka diatur enda lama agi.
“Tebal agi, trend peminta ujung taun deka nambah berindik ari kemisi enggau pengerami.
“Nya kebuah, penyampau asil kebendar taun tu deka ditemu kena March 2024.
“Taja pia, aku andal penyungkak ekonomi enggau peminta produk koko ba menua tu, kitai deka mujur nyapai tagit nya,” terang iya.
Dr Ramle mansutka jaku nya ba aum pemberita pengudah bejadi Pengawa Nutup Kus Pematih Super Koko Sarawak Renggat Kedua Taun 2023 di Hotel Harbour View, ditu tadi.
Nangkan nya, iya ngandalka peminta produk tu deka dikemanah taun bukai ukai semina ba Malaysia tang mega ba serata dunya.
