KAPIT: Kepala Menteri Datuk Patinggi Abang Johari Tun Openg udah ngatur pejalai ngabas projek Tekat Ai (HEP) Baleh tadi.
Tuju pejalai Abang Johari nya deka berati sebagi ari projek pemansang infrastruktur strategik pemadu besai ba Sarawak.
Sebedau datai ba taba projek nya, iya dibai nimpai dulu pengawa ngaga tekat ai nya ari langit.
Udah nya iya mendingka penerang dikenataika pengari Sarawak Energy Berhad (SEB) pasal pejalai projek nya.
HEP Baleh nya didiri meraka Batang Baleh urung 105 kilometer penyauh ari Batang Rejang di Kapit.
Tekat ai 188 meter peninggi nya sebagi ari projek infrastruktur pemadu besai ba Sarawak ti dikemansang Sarawak Energy.
Pengudah tembu ila, tekat ai tu ulih mansutka 1,285MW kuasa ti ulih dikena baru ngagai grid manggai ba taun 2026.
Ungkup penerang, projek tu nambahka dua tekat ai ba sitak menua ulu iya nya Tekat Ai Bakun enggau Tekat Ai Murum.
