BANGKOK: Putera Sultan Pahang, Tengku Muhammad Iskandar Ri’ayatuddin Shah Al-Sultan Abdullah Ri’ayatuddin Al-Mustafa Billah Shah dipilih ngari ke tim equestrian polo Malaysia ke Lumba SEA 2025 ba Thailand.
Lumba SEA ti diatur belabuh ari 9 ngagai 20 Disember tu entara siti ari lumba ti dianti mensia mayuh enggau deka richah agi lebuh dipasuk raban DiRaja baka tu.
Tengku Muhammad Iskandar ukai nama baru ba dunya polo.
Baginda nya anak kedua Yang di-Pertuan Agong ke-17 lalu kenyau ari biak udah suah ngulu program latih polo sereta pekit ba menua tu enggau menua luar.
“Aku enggai berunding kelalu jauh. Tu ukai ungkup aku tang ungkup menua.
“Lalu tu mega keterubah aku ngari Malaysia ngerasuk jersi nasional,” ku iya.
Minat Tengku Muhammad ngagai lumba bekuda tu baka apai iya, Al-Sultan Abdullah Ri’ayatuddin AlMustafa Billah Shah ti mega tokoh tebangkar nama ba lumba polo menua.
Pia mega, baginda mega dikelala orang ti landik enggau ngembuan disiplin ti mega dua elemen beguna ba gaya bemain ba padang.
Besai agi reti, pengawa Tengku Muhammad ti ngambi bagi tu diatu baka nampung legasi apai iya, AlSultan Abdullah ti kala bulih midul emas polo Lumba SEA 1983 ba Singapore.
Lumba polo Lumba SEA 2025 deka diatur ba VS Sports Club enggau Siam Polo Park, Samut Prakan, palan ti diaku entara pemadu manah ba Thailand enggau suah dipilih ngatur lumba antarabansa.
