KOTA SAMARAHAN: Tiga ari enam buah Projek Rumah Pengereja Pengawa Perintah Malaysia (PPAM) di menua tu udah tembu digaga.
Menteri Pengawa Berumah enghau Kaunsil Kandang Menua Datuk Seri Reezal Merican Naina Merican madahka bisi enam buah projek PPAM di Sarawak udah dikemandarka.
“Nya nyengkaum penyampau 273 projek rumah ti dikemendarka ba serata Malaysia.
“Tiga projek udah tembu, dua projek benung digaga ke alai siti agi dalam perambu ngaul penyampau 1,595 unit rumah,” ku iya.
Reezal bejaku munyi nya lebuh ngabas Rumah Malaysia Sebilik di PPAM Kota Samarahan tauka Ike Village ditu, ensana.
Ku iya, dua buah projek PPAM tu bepalan di Miri enggau Kuching ke alai sebuah di Kota Samarahan enggau Sibu.
Sama bisi datai Menteri Kaunsil Kandang Menua enggau Pengawa Berumah Datuk Sri Prof Sim Kui Hian enggau Tuai Sekretari (KSU) Pengawa Berumah enggau Kaunsil Kandang Menua Datuk M Noor Azman Taib.
