Tubah peranak Engkilili nyukung Rayong

ENGKILILI: Tubah peranak rumah panjai di sitak Kunsil Nengeri (Dun) Engkilili mandangka sukung penuh ngagai Kaban Kunsil Nengeri (Adun) Engkilili Dr Johnichal Rayong Ngipa.

Pekara nya nyata dipeda rambau pejalai nemuai iya ngagai semilan bengkah endur ditu, apin lama ke udah.

Entara palan ti dilawa Rayong iya nya Pasar Engkilili, Rumah Chew Ambun Merbong, Rumah Junong Selindung Ili,

Rumah Langkop Marop Atas, Rumah Ring Sungai Keroh, Rumah Mangku Sungai Keroh, Rumah Tela Pak, Rumah Imau Tanjung enggau Rumah Jagal Tekalong.

Berebak enggau penemuai nya, Rayong bisi nyuaka RM61,888 agih belanja ngagai peranak genturung ditu, dikena sida ngemujur sebarang aktiviti pemansang.

Iya ti mega Ketuai Nembiak Parti Sarawak Bersatu (PSB) diiring bala ketuai genturung, tuai rumah enggau kapitan ari Jelukong, Sedarat, Sedarat Mawang, Merbong enggau Sedarat Ulin.

“Entara kebuah aku nemuai endang deka ngelawa peranak genturung Dun aku empu laban udah lama enda nemuai ketegal Atur Tagang Pejalai (PKP) dikena nagang pengerekai igi penyakit Covid-19 ti nyadi ba menua tu.

“Pia mega, aku bisi nerang ngagai peranak kampung sentang tuju ati sereta deka ngetanka penuduk Dun Engkilili ba baruh PSB,” ku iya ba siti penerang kemari.

Ba penemuai nya mega, Rayong bisi nyuaka tambai PSB enggau chek beungkus RM13,888 ungkup Engkilili Chinese Temple CharitableTrus, RM5,000 ngagai Marop Chinese Temple Charitable Trus, RM5,000 ngagai Komiti

Pemansang enggau Pengelikun Genturung Pendiau (JKKK) Rumah Chew Ambun, RM4,000 ngagai JKKK Rumah Junong Selindung Ili, RM5,000 ngagai JKKK Rumah Langkop Marop Atas, RM3,000 ngagai JKKK Rumah Ring Sungai Keroh, RM5,000 ngagai Rumah Mangku Sungai Keroh, RM5,000 enggau RM3,000 ngagai JKKK enggau Biro Indu Rumah Tela Pak, RM5,000 enggau RM3,000 ngagai JKKK enggau Biro Indu Rumah Imau Tanjung sereta RM5,000 ngagai JKKK Rumah Jagal Tekalong.

NELAP ENGGAU RAYAT…Rayong (lapan kanan) begambar kenang lebuh nyuakan agih belanja ngagai peranak Dun Engkilili.

Suara Sarawak