KUCHING: Siti turu khas deka ditumbuh Perintah Sarawak dikena mantu nembiak menua tu nambahka pengeluar industri pemakai bepelasarka teknologi.

Premier Sarawak, Datuk Patinggi Tan Sri Abang Johari Tun Openg madah, turu tu deka dipansik nitih pelaba asil enggau empas timpuh panjai laban teknologi ti diguna nya agi baru.

“Ambika chunto, projek nembiak ari Kolej Universiti i-CATS (iCats) di Kampung Kaba Saratok, nembiak enggau pengelicha kolej nya mujur ngasilka pemakai jelu ari biojisim.

“Nya alai, aku minta sida mansik teknologi ti bekaul enggau pemeranak puku ke beguna belanja besai enggau bisi empas nya meseti dirandang ngagai nembiak ti milih bioteknologi nyadi pengawa pengudah tembu sekula,” ku iya.

Abang Johari bejaku munyi nya rambau bejadi Program Gempuru Antarabansa Keterubah Bioteknologi, Betanam Betupi Pintar enggau Dagang Pengelikun Pemakai (BIOSFE 2023) Teknologi Universiti MARA, Malaysia enggau Universiti Chung Cheng Kebangsaan Taiwan di sebuah hotel ditu, tadi.

Ku iya, Universiti Teknologi MARA (UiTM) Sarawak mega nerima lalau Sarawak ngambi ngaga tungkap bekaul tungkap lukut di Sebuyau ngaga minyak bilun (SAF).