ARTIKEL

Kes Macau Scam majak nambah – Ali Biju

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

Penyalah siber tu patut diputar jampat

SARATOK: Penyalah siber kelebih agi ngaul ‘macau scam’ majak ngirauka ati berindik ari kes beratus ribu ringgit lesap tekala nya.

Ku MP Saratok Ali Biju, penyalah siber tu penanggul pemadu baru jeman diatu.

“Nitihka statistik ari Opis Pansik Penyalah Komersial (JSJK) Indu Opis Polis Kontinjen (IPK) Sarawak, ari Januari nyentuk Oktober 2018, bisi 8,313 kes ditipu dirikodka.

“Kes ditipu pemadu mayuh nyadi ari kangau telefon tauka dikumbai ‘macau scam’.

“Pekara tu ngasuh kitai irau laban ngaul mensia mayuh nyengkaum raban profesional,” ku iya.

KENANG… Ali (tengah) nerima tepa ari Florence (dua kanan) seraya dikemata bala bukai.

Ali ti mega Adun Krian mansutka jaku nya lebuh bejadika Licha Sivik Renggat Nengeri diatur Opis Pemadah Malaysia (JaPen) Nengeri Sarawak di Balai Sri Semerbak, ensanus.

Chukup sinu meda sida ditipu lalu rugi manggai beratus ringgit tekala nya, ku iya nambah.

“Pia mega penyalah siber ngaul raban nembiak baka judi online, nyubuk, petenah enggau ke bukai, lalu sida enda nemu pemesai empas ari ulah dudi hari.

“Nya alai, nengah licha ari pemesai Unit Penyalah Komersial Indu Opis Polis Pelilih (IPD) Sri Aman Inspektor Mohamad Zulfadhli Paichan sentang pekara tu ulih meri penyedar enggau meri runding ngagai mensia mayuh ngambika enda muntang ditipu.

“Aku ngasaika program tu nyadi pelasar pemadu manah meri penerang ngagai bala komuniti ngambi sedarka pekara ke nyadi kemaya hari kelimpah ngiri penemu ngagai bala nembiak chara nyeliah ari ditipu,” ku iya.

Nangkan nya, Ali mega madahka diri irau pasal penyalah dadah kelebih agi dadah bansa syabu.

“Tahun 2017, 20 iku kena tan ba kes penyalah narkotik di baruh IPD Saratok, tang nambah ngagai 21 iku dalam taun nyin kemari. Tu siti penanggul besai lalu patut diputar jampat.

“Nembiak rebak diatur dikeandal nampung pengawa nyadi ketuai jemah nya kebuah aku suah nandu enggau ngelalau sida anang ngereja ulah enda menuku ti tau ngerusak pengidup diri.

“Kita patut ransing belajar lalu teulihka pemujur ba pengidup,” tandu iya.

Bisi datai ngulu pengawa tu iya nya Pemesai Pemadah Pelilih Saratok Florence Sebastian Unting ngarika Direktor Pemadah Nengeri, Penulung Kanan Pengatur Pengawa SMK (BM) Saratok Wan Rahmat Wan Hossen enggau Ketuai Pemesai Ejensi Antidadah Nasional (AADK) Pelilih Betong Sapini Jalani sereta urung 200 nembiak sekula.

BERITA LAIN

2,000 belanda seraya ngintu rampa menua

KUCHING: Urung 2,000 penyereta ngulu program belanda pengasih besuluka jaku Run To Save Lives 4.0 ti belabuh ba mua Majlis Bandaraya Kuching Selatan (MBKS), ditu

BERITA TERBARU

Kembar berbakat besar mahu harumkan nama Sarawak

KUCHING: Kembar berbakat besar kebanggaan Sarawak, Aleysha Shareef dan Ryan Zachary Shareef, 11 tahun, berlepas ke Kuala Lumpur, dan seterusnya ke Long Beach, California, Amerika

Teknik eratkan hubungan keluarga

SIKAP SEDERHANA keluarga adalah suatu cara hidup yang mendasarkan diri pada prinsip kesederhanaan, kecukupan dan keutamaan dalam setiap aspek. Pendekatan ini dapat mengeratkan hubungan ahli