MUKAH: Tiga lelaki peranak menua beumur entara 24 nyentuk 26 taun ditan pengudah ditemu positif dadah bansa methamphetamine ba Operasyen Begulai Nagang Penyah t i dipejalai ba Kilometer 11, Jalai Mukah-Balingian, semak simpang Kampung Jebungan, ditu kemari.
Operasyen ti dipejalai Indu Opis Polis Pelilih (IPD) Mukah nengah kerejasama Ejensi Bench Dakah Nasional (AADK) Pelilih Mukah nya mega ngemata pengawa meresa 146 iku enggau 133 entukar.
Nitih penerang IPD Mukah, ketetiga lelaki nya ditan ungkup pansik silik bekaul penyalah dadah pengudah bepere sa ai kemi ti ditemu positif methamphetamine.
“Kes dipansik nengah Akta Penagih dan Penyah Guna Dadah dan Bahan (Rawatan dan Pemulihan) 1983,” terang iya.
Operasyen ti dipejalai ari pukul 9 nyentuk 11.30 pagi nya ngaul 20 pegawai enggau raban nyengkaum 12 raban Polis DiRaja Malaysia (PDRM) enggau lapan raban AADK.
Operasyen diulu ke Inspektor Mohd Rahmat Jalimin ngari ke IPD Mukah, seraya raban AADK Daerah Mukah diulu ke tuai, Fely Nora Joseph Na.
“Ari 146 iku ti diperesa, 86 nya lelaki enggau 58 indu, nyengkaum dua peranak menua luar.
“Pengawa meresa ngaul 11 motosikal, 62 entukar, 18 lori enggau 44 entukar bukai.
“Pia mega, PDRM ngelu 20 saman ba bemacham penyalah trafik sepanjai operasyen nya,” terang iya. – NUR FARIHAN RAZALI
